अर्घाखाँची । अर्घाखाँचीमा चोरी गर्ने उद्देश्यले वृद्धाको हत्या गर्ने एक युवकलाई प्रहरीले पक्राउ गरेको छ । मालारानी गाउँपालिका ९ गोखुङ्गामा गरगहना चोरी गर्ने उद्देश्यले ७२ वर्षिया हरिकला भुसालको हत्या गर्ने अभियुक्तलाई बुधवार जिल्ला प्रहरी कार्यालय अर्घाखाँचीले सार्वजनिक गरेको छ ।
कार्तिक १४ गते खुकुरीको पछाडिको भागले हिर्काइ हत्या गरेको आरोपमा प्रहरीले भूमिकास्थान नगरपालिका वार्ड नंं १ राजिमे बस्ने २० वर्षिया गोपाल नेपालीलाई पक्राउ गरि सार्वजनिक गरेको हो । घटनाको थप अनुसन्धान भइरहेको प्रहरीले जनाएको छ ।
