पार्बती आचार्य
कपिलबस्तु असार २९
महिलाहरुलाई लेडिज तथा जेन्स ज्याकेट सिलाउने निशुल्क तालिम सम्पन्न भएको छ । आर्थिक बर्ष ०७७÷०७८ को महिला लक्षित कार्यक्रम बिपन्न , एकल महिला शसक्तिकरण तथा प्रबन्धक कार्यक्रम अन्तरर्गत बाणगंगा नगरपालिका वडा नं. ४ मा १५ दिने तालिमको समापन गरिएको छ । उपभोक्ता समिती वडा नं. ४ को समन्वय तथा बाणगंगा नगरपालिका वडा नं. ४ को वडा कार्यालयको आयोजना रहेको कार्यक्रममा वडाका २५ जना बिपन्न तथा एकल महिलाहरुले ज्याकेट बनाउने तालिम लिएका हुन ।

महिलाहरुलाई शसक्तिकरण बनाउन वडाले हरेक बर्ष फरक किसिमका तालिमहरु संचालन गर्दै आएको छ । बिगतका बर्षहरुमा महिलाहरुको लागि क्रिष्टलका चुरा , पोते , जुत्ता , डलकुशन र सिलाईकटाईको तालिम संचालन गरेको वडाले अहिले भने ज्याकेटको तालिम संचालन गरेको हो । आर्थिक अभावका कारण महिलाहरुले हिंसा खेप्न नपरोस र तालिम पश्चात ब्यबसाय संचालन गर्न सक्नेछन् भन्ने उद्देश्यले तालिम संचालन गरिएको वडा कार्यालयले जानकारी दिएको छ ।
समापन कार्यक्रमका प्रमुख अतिथी तथा नगरपालिकाका मेयर मंगल प्रसाद थारुले तालिममा सिकेको सिपलाई ब्यबहारमा ल्याई ब्यबसायी बन्न सहभागिहरुलाई आग्रह गरे । उनले सिप र शिक्षाको उत्तिकै महत्व भएको हुँदा महिलाहरुले क्षमतालाई अगाडी बढाउन सके बिभिन्न हिंसा खेप्न नपर्ने बताए ।

यस्तै कार्यक्रमका बिशिष्ट अतिथी तथा उपभोक्ता समन्वय समितीका संयोजक रुपा गुरुङ् राईले सिप संगै सामाग्रीहरुको समेत ब्यबस्थापन हुन आबश्यक भएको बताईन् । गार्बेनको ब्यबस्था गरेर ब्यबसायीहरुले उत्पादन गरेका सामाग्रीहरुले बजार पाउन सक्यो भने मात्र नगरका बिपन्न एकल महिलाहरु सक्षम हुने बताईन् । उनले पन्ध्र दिनको सिपले मात्र नपुग्ने भएको हुँदा दक्ष ब्यबसायी बनाउन वडाले थप तालिमको ब्यबस्था गर्न वडा अध्यक्ष तथा मेयर समक्ष आग्रह गरिन् ।
महिला तथा बालबालिका शाखा प्रमुख शुशिला पन्तले तालिमले एउटा बाटो मात्र देखाउने भएको हुँदा तालिम पश्चात ब्यबसायी बन्छु भन्ने हिम्मत लिए ब्यबसायलाई अगाडी बढाउन सकिने बताईन् । ब्यबसाय गर्दा डिजाईन अनुसारका सामाग्रीहरु उत्पादन गरे कहिल्यै घाटा खेप्न नपर्ने उनले बताईन् ।
बुद्धदर्पण दैनिकका सम्पादक पार्बती पाण्डेले सिपले महिलालाई आत्म निर्भर बनाउने भएको हुँदा सिपलाई निरन्तरता दिनुपर्ने बताईन् । यस्तै ईन्सेक जिल्ला प्रतिनिधी पार्बती आचार्यले वडा नं. ४ ले प्रत्येक बर्ष संचालन गर्ने फरक किसिमका तालिमले महिलाहरुलाई उद्यमी बन्ने उर्जा दिएको बताईन् । उनले ब्यबसायीहरुले उत्पादन गरेका हरेक सामाग्रीहरुको ब्यबस्थापनका लागि नगरमा महिला गार्बेन संचालन गर्न सके अन्य महिलाहरुले समेत रोजगारी प्राप्त गर्न सक्ने बताईन् ।
यसैगरी गजेहडा टोल बिकास संस्थाका अध्यक्ष भोजराज आचार्य र ठाकुरापुर टोल बिकास संस्थाका पुर्ब अध्यक्ष कमल पराजुली लगाएतले तालिमका सहभागिहरुलाई शुभकामना दिंदै सिकेको सिपलाई ब्यबहारमा उतार्न आग्रह गरे ।
सहभागिको तर्फबाट रेखा थारुले सिपसंग संगै साधनको पनि उत्तिकै आबश्यकता भएको बताईन् । वडाले हरेक बर्ष महिलाहरुलाई शसक्तिकरण बनाउन बिभिन्न तालिमहरु संचालन गरी सिप दिएकोमा धन्यबाद दिंदै माछा मार्न सिकाए पछि बल्छीको ब्यबस्था नगरी दिएमा तालिम अधुरो हुने बताईन् । उनले वडा अध्यक्ष र मेयर लाई पन्ध्र दिनको तालिमले नपुग्ने भएको हुँदा तालिम थप गरी पुर्ण गरिदिन अनुरोध गरिन् ।

यस्तै महिला उद्यमी सहभागि राधिका क्षेत्रीले तालिमको अनुभव सुनाउँदै वडाले आफूलाई सिप दिएर आत्म निर्भर बनाएको बताईन् । क्रिष्टल चुरा , पोते , जुत्ता , डलकुशन बनाउने लगाएतका तालिमबाट धेरै अनुभव सुनाउँदै एउटा मात्र डिजाईले बजार भाउ नदिंदा उत्पादन गरेका सामाग्रीहरुबाट घाटा समेत सहन परेको अनुभव सुनाईन् ।
तालिममा सहभागिहरुलाई नगर प्रमुख मंगल प्रसाद थारु द्वारा प्रमाण पत्र हस्तान्तरण गरिएको थियो । कार्यक्रममा उद्यमी ५ जना ब्यबसायीहरुलाई पुरस्कार स्वरुप जुत्ता सिलाउने १ वटा मेसिन हस्तान्तरण गरिएको छ । सो तालिममा २५ जना महिलाहरुलाई प्रशिक्षक मनिता नेपाली सह प्रशिक्षक कृष्ण बहादुर सुनारले सिप सिकाएका थिए ।
कार्यक्रम वडा अध्यक्ष गणेश बहादुर क्षेत्रीको अध्यक्षता , वडा महिला ददित सदस्य अस्मिता नेपालीको स्वागत तथा महिला वडा सदस्य ईन्दीरा पन्तको संचालनमा तालिमको समापन कार्यक्रम सम्पन्न भएको थियो । सो कार्यक्रममा वडा सदस्य चित्र बहादुर खाण , ऋषीराम थारु, ७ वटै टोल बिकास समितीका बर्तमान र निबर्तमान पदाधिकारीहरु लगाएतको सहभागिता रहेको थियो ।