बुटवल । रुपन्देही ५ मा नेकपा एमालेका वासुदेव घिमिरे विजयी भएका छन्। उनले नेपाली कांग्रेसका भरत कुमार शाहलाई नौ हजार सात सय दुई मतको अन्तरले पराजित गरेका हुन्।
गत आइवार सम्पन्न प्रतिनिधिसभा तथा प्रदेशसभा निर्वाचनको मतपरिणाम अनुसार घिमिरेले ३६ हजार आठ सय २२ मत ल्याउँदा शाहले २७ हजार एक सय २० मत प्राप्त गरेको मुख्य निर्वाचन अधिकृत चुरामणि शर्माले जानकारी दिए।
कांग्रेसका शाह यसअघिका तीन निर्वाचनमा सोही क्षेत्रबाट निर्वाचित भएका थिए। एक लाख २९ हजार एक सय ३५ मतदाता रहेको यस क्षेत्रमा ८५ हजार सात सय ३६ मत खसेको थियो।
