फर्साटिकर युवा क्लब र अभिषेक चर्च उपाधिको लागि फाइनलमा भिड्दै ।गाउँपालिका अध्यक्ष बिष्णु प्रसाद बस्यालले सम्बोधन गर्नुहुने ।
रुपन्देहीको शुद्दोधन गाउँपालिका -४ सौ फर्साटिकर स्थित फर्साटिकर माविको खेलमैदानमा पौष २० गतेदेखि संचालित शुद्दोधन गाउँपालिका १२ औं फर्साटिकर कप प्रतियोगिता आज समापन हुँदै छ। आजको कार्यक्रममा शुद्दोधन गाउँपालिका अध्यक्ष बिष्णु प्रसाद बस्यालले सम्बोधन गर्नुहुनेछ।फाइनल खेलमा उपाधिको लागि आयोजक फर्साटिकर युवा क्लब र अभिषेक चर्च रजहर नवलपरासी बीच प्रतिस्पर्धामा भिड्ने भएका छन् । फाइनल खेल प्रतियोगिता आज दिउँसो 2 बजेदेखि हुने आयोजकले बताएका छन् ।
प्रतियोगिताको प्रथम पुरस्कार नगद ३ लाख ५ रुपैया ,कप मेडल प्रमाणपत्र दोस्रो पुरस्कार १ लाख ५० हजार ५ रुपैयाँ रहेको छ। त्यसै गरि सर्वाधिक गोलकर्ताको लागि नगद १० हजार पाच रुपैया ,उत्कृष्ट गोल रक्षकको लागि १० हजार ५रुपैयाँ ,उदयमान खेलाडिको लागि नगद ५ हजार रुपैया ,म्यान अफ द म्याच घोषित हुनेको लागि नगद ३ हजार रुपैया रहेको क्लबका सचिव बिष्णु प्रसाद पङ्गेनिले जानकारी दिनुभयो।
