मुक्ति न्यौपाने
वालिङ । स्याङ्जाको वालिङ नगरपालिका–९ स्थित वालिङ भुम्रे माध्यमिक विद्यालय र वालिङ क्याम्पसको बीचमा झाडीमा बाघ र बाघको बच्चा भेटिएको स्थानीय बासीको सूचनापछि भुम्रे एकता समाजका अध्यक्ष बालकृष्ण श्रेष्ठको पहलमा सशस्त्र प्रहरीको टोलीले झाडी सफाई थालेको छ ।
स्थानीय बासीका अनुसार केही दिन अघि उक्त झाडीमा बाघ र बाघको बच्चा देखा परेका थिए । स्थानीय बासीले बाघको बच्चा देखेपछि वन कार्यालयलाई खबर गरेका थिए । वन कार्यालयले बाघको बच्चालाई उद्धार गरी लगेको छ । तर बाघ अझै उक्त झाडीमा नै रहेको हुन सक्ने आशङ्कामा स्थानीय बासी त्रसित भएका छन् ।
भुम्रे एकता समाजका अध्यक्ष बालकृष्ण श्रेष्ठले भने, ‘हामिले बाघको बारेमा जानकारी पाएपछि सशस्त्र प्रहरीलाई खबर गर्यौँ । शस्त्र प्रहरीले झाडी फाडेर बाघको खोजी गरिरहेको छ । स्थानीय बासीलाई सतर्क रहन आग्रह गर्दछौँ ।’
झाडी फाड्ने कार्यको अवलोकनका लागि पुगेका वालिङ भुम्रे माध्यमिक विद्यालयका प्रधानध्यापक तिलक पराजुलीले बाघ र बाघको बच्चा भेटिएको भन्ने स्थानीयको भनाइमा सत्यता रहेको बताएका छन् । उनले भने, ‘केही दिन अघि उक्त झाडीमा बाघको बच्चा भेटिएको थियो । वन कार्यालयले बाघको बच्चालाई उद्धार गरी लगेको छ । तर बाघ अझै उक्त झाडीमा नै रहेको हुन सक्ने आशङ्कामा स्थानीय बासी त्रसित भएका छन् ।’
प्रधानध्यापक पराजुलीले झाडी फाड्ने कार्यले बाघलाई लुक्न र आक्रमण गर्न गाह्रो बनाउने बताए । उनले भने, ‘सशस्त्र प्रहरीले झाडी फाडिरहेको छ । यसले बाघलाई लुक्न र आक्रमण गर्न गाह्रो बनाउने छ । हामि आशा गर्दछौँ कि बाघ चाँडै नै उक्त झाडीबाट भाग्ने छ ।’
स्थानीयबासीले बाघ र बाघको बच्चा भेटिएको झाडी फाड्ने शस्त्र प्रहरीको कार्यलाई स्वागत गरेका छन् । उनीहरूले बाघको डरले त्रसित भएका बेला सशस्त्र प्रहरीले झाडी फाडेर सहयोग गरेकोमा धन्यवाद व्यक्त गरे । सशस्त्र प्रहरीको टोलीले बाघ र बाघको बच्चा भेटिएको झाडी फाड्दै बाघको खोजी गरिरहेको छ । स्थानीय बासीलाई सतर्क रहन र बाघ देखेमा प्रहरी कार्यालयमा खबर गर्न समेत जानकारी गराइएको छ ।
