मुक्ति न्यौपाने
वालिङ । स्याङ्जाको वालिङमा स्थापना भएको गरिमा विकास बैंकबाट काम सुरु गरेर अहिले कार्यकारी प्रमुख (सिईओ) छन् माधवप्रसाद उपाध्याय आचार्य ।
वालिङमा पत्रकारहरुसंँग भेटघाट गर्दै आचार्यले बैंकिङ क्षेत्रलाई चलाएमान बनाउन सबै मानिस सक्षम र सम्पन्न हुनुपर्ने औंल्याएका छन् । गाउँबाट शहर पसेको गरिमा विकास बैंकले यो सफलता प्राप्त गर्नु देशभर आफन शाखा फैलाउन सक्नु वालिङलगाएतका व्यक्तिहरुको महत्वपूर्ण भूमिका रहेको बताए ।
जनताले बित्तिय अवस्था कसरी सुदृढ गर्न सक्छ भन्ने बारे उनले बताए । नागरिकलाई बैंकले आर्थिक रुपमा समृद्ध बनाउन चाहने बताएका छन । नागरिक आर्थिक रुपमा सक्षम भएमा निक्षेप बढ्ने, ऋणको सहि रुपमा लगानी हुँने भन्दै सिइओ आचार्यले बैंकले सबैलाई धनी बनाउन चाहने बताए ।
पत्रकारहरुले राखेको जिज्ञासाको जवाफ दिदै सिइयो आचार्यले कोभिड १९ ले शिथिल बनाएको अर्थतन्त्रमात्र नभएर मूल्यवृद्धि नियन्त्रण, वित्तीय संकटलगायतको सजिलै प्रतिरक्षा गर्न मोफसलबाट उदाएको गरिमा बैंक सहित अन्य वाणिज्य बैंकहरु सफल भएको व्यक्त गरे ।
समग्र आर्थिक विकासका लागि मौद्रिक नीति र वित्त नीतिबीच प्रभावकारी समन्वय हुनुपर्ने भएकाले राष्ट्र बैंकले त्यसतर्फ पनि काम गर्नु पर्ने उपाध्यायको भने ।
उत्पादन र आयात प्रभावित भएका कारण बैंकमा कर्जाको माग अत्यन्त न्यून छ आचार्यले भने, ‘अधिक तरलता तथा न्यून तरलता दुबै वित्तीय क्षेत्र स्थायित्वको लागि राम्रो मानिदैँन । निक्षेपको ब्याज घटाउँदै लैजाने हो भने बचत निरुत्साहित हुने, त्यस्तो बचतले बैंकिङ प्रणालीमा प्रवेश नपाउने, पूँजी अन्यत्र पलायन हुने, तुलनात्मकरुपमा नियमन कमजोर र जोखिम अधिक भएको सहकारी क्षेत्रतर्फ बचत प्रवाह हुने आदि जस्तो जोखिम वित्तीय प्रणालीले भोग्नु पर्नेहुन्छ । यस्तो अवस्था वित्तीय क्षेत्र स्थायित्वका लागि प्रमुख चुनौती हो ।’
बैकिङ लगानीमा बीमा बलियो नहुदा थप संकटले बैंकहरुलाई चुनौती थपेको छ । पत्रकार भेटघाटको सहजिकरण नेपाल पत्रकार महासंघका अध्यक्ष श्रीकृष्ण सिग्देलले गरेका थिए । गरिमा विकास बैंकको सिइओमा नियुक्त भएपछि पहिलोपटक गृह जिल्ला आएका उपाध्यायलाई वालिङ बैंक क्लव, उद्योग वाणिज्य संघले स्वागत तथा बधाई सहित सम्मान गरेका छन् ।
