बुटवल । पाल्पाको जोरधारामा बस दुर्घटना हुँदा एक जनाको मृत्यु भएको छ । दुर्घटनामा एकजना महिलाको मृत्यु भएको प्रहरीले जनाएको छ ।
मृतकको पहिचान खुलेको छैन । घटनास्थलबाट १८ जनाको उद्धार गरी लुम्बिनी मेडिकल कलेज पाल्पामा पठाइएको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले जानकारी दिए । अन्य यात्रुको उद्धार भइरहेको छ ।
सिदार्थ राजमार्ग अन्तरगत पाल्पाको तिनाउ गाउँपालिका–५ स्थित जोरधारामा बुटवलबाट बागलुङको बुर्तिबाङ जाँदै गरेको लु १ ख ५९५६ नम्बर बस दुर्घटना भएको हो ।
दुर्घटनाग्रस्त बस सडकबाट करिब २० मिटर तल खसेर भीरमा अड्किएको अवस्थामा छ । दुर्घटनाग्रस्त बसमा २५ देखि ३० जना यात्रु सवार रहेको बताइएको छ । बिस्तृत विवरण आउन बाँकी छ ।
