बुटवल । बुटवल उद्योग बाणिज्य संघमा मतदान सुरु भएको छ। संघका अध्यक्ष उज्ज्वल प्रसाद कसजु र बुटवल उपमहानगरपालिका नगरप्रमुख खेलराज पाण्डेयले पहिको मतदान गर्नुभएको छ ।
बिहान ९:४३ बाट मतदान सुरु भएको हो। साँझ ५ बजेसम्म मतदान हुनेछ। संघमा १ हजार ७७८ मतदाता रहेका छन्। संघको नेतृत्व लिनको लागि दिनेश प्रसाद श्रेष्ठ र हरि प्रसाद अर्याल प्यानलसहित मैदानमा हुनुहुन्छ।
वरिष्ठ उपाध्यक्ष टंक गैरे र बाणिज्य उपाध्यक्ष बिमलराज भट्टराई निर्विरोध निर्वाचित हुनुभएको छ । मतदान सकिएपश्चात् आज नै मतगणना हुने प्रमुख निर्वाचन अधिकृत बाबुराम पाण्डेले जानकारी दिनुभयो ।
