तुलसीराम पौडेल —
रुपन्देही ,पौष १०
रुपन्देहीको शुद्दोधन गाउँपालिका -४ सौ फर्साटिकर स्थित फर्साटिकर युवा क्लबको आयोजनामा पौष ९ गतेदेखि संचालित शुद्दोधन गाउँपालिका ११ औं फर्साटिकर कप अन्तरगत मंगलवार विश्वशान्ती युवा क्लब सालझण्डी र गोर्खा ब्वाइज बुटवल बीच खेल प्रतिस्पर्धा भएको थियोे । प्रतिस्पर्धामा विश्वशान्ती युवा क्लबले १ का विरुद्ध २ गोलको अन्तरले गोर्खा ब्वाइज बुटवललाई पराजित गरि बिजय भएको हो ।
। गोर्खा ब्वाइज बुटवलका जर्सी नम्बर १४ का अजय पाठकले खेल शुरु भएको ६२ औं मिनेटमा पहेँलो कार्ड पाएका थिए ।खेल शुरु भएको ५५ औ मिनेटमा गोर्खा ब्वाइज बुटवलका जर्सी नम्बर ७ का आशिष् ज्ञवालीले १ गोल गर्न सफल भएका थिए ।
विश्वशान्ती युवा क्लब सालझण्डीले खेल शुरु भएको ७० औं मिनेटमा जर्सी नम्बर २५ का निरबहादुर थापाले आफ्नो टिमको लागि पहिलो गोल गरेका थिए ।त्यसै गरि सोही टिमकै जर्सी नम्बर १५ का मिलन मगरले ८७ औं मिनेटमा दोस्रो गोल गरि टिमलाई विजयी बनाउन सफल भएका थिए ।मंगलवार सम्पन्न खेलको म्यान अफ द म्याच विश्वशान्ती युवा क्लबका जर्सी नम्बर १५ का मिलन मगर घोषित भए ।क्लबका अध्यक्ष मुकेश कुवरले म्यान अफ द म्याच पुरस्कार प्रदान गर्नुभयो ।बुधबार सुनौलो संगम युवा क्लब देविनगर भर्सेस झरना स्पोर्ट्स क्लब कुन्जलापुर बीच प्रतिस्पर्धा हुने खेल संयोजक अमृत खड्काले बताउनु भयो ।
