तुलसीराम पौडेल —
रुपन्देही ,पौष १३
रुपन्देहीको शुद्दोधन गाउँपालिका -४ सौ फर्साटिकर स्थित फर्साटिकर युवा क्लबको आयोजनामा पौष ९ गतेदेखि संचालित शुद्दोधन गाउँपालिका ११ औं फर्साटिकर कप प्रतियोगिता अन्तरगत सम्पुर्ण युवा क्लब सुपौली र लिस्नु युवा क्लब कोटिहवा बीच प्रतियोगिता भएको थियो।प्रतियोगितामा सम्पूर्ण युवा क्लब सुपौलीले १ का विरुद्ध २ गोलको अन्तरले लिस्नुलाई पराजित गरि सम्पूर्ण युवा क्लब विजयी भएको छ।
सम्पूर्ण युवा क्लबका जर्सी नम्बर ३ का निखिल पुनले दोस्रो हाफको १० मिनेटमा पहिलो गोल र २५ मिनेटमा दोस्रो गोल गरि टिमलाई विजयी गराउन सफल भएका थिए ।
लिस्नु युवा क्लबका जर्सी नम्बर १४ का विदेशी खेलाडी ओस्कारले प्रहिलो हाफको ८ मिनेटमा १ गोल गरेका थिए ।सम्पुर्ण युवा क्लबका जर्सी नम्बर ४ का उत्तम थापाले ९० थप २ मिनेटमा पहेलो कार्ड पाएका थिए ।शुक्रबारको खेलको म्यान अफ द म्याच सम्पूर्ण युवा क्लबका जर्सी नम्बर ३ का निखिल पुन घोषित भए।
फर्साटिकर युवा क्लबका टिम म्यानेजर अक्रम अलिले म्यान अफ द म्याच पुरस्कार प्रदान गर्नुभयो ।शनिबार विश्वशान्ती युवा क्लब सालझण्डी भर्सेस कपिलवस्तु -११ कपिलवस्तु बीच प्रतियोगिता हुने खेल संयोजक अमृत खड्काले जानकारी दिनुभयो ।
