पार्वती आचार्य
कपिलवस्तु । जिल्ला प्रहरी कार्यालय कपिलवस्तुले उत्कृष्ट काम गर्ने प्रहरी कर्मचारीलाई सम्मान तथा मातहतका प्रहरी प्रमुखहरुलाई निर्देशन दिएको छ । उत्कृष्ट कार्य गर्ने प्रहरी निरीक्षक महेश बिक्रम शाही, प्रहरी निरीक्षक गोपाल रायमाझी, प्रहरी नायब निरीक्षक डोल बहादुर थापा, प्र.ज बिक्रम दर्लामीलाई जिल्ला प्रहरी कार्यालयका प्रहरी उपरीक्षक नवरत्न पौडेलले नगद पुरस्कारद्धारा सम्मान गरेका हुन । यसैगरी प्रहरी बरिष्ठ नायब निरीक्षक गगन बहादुर शाहीलाई फागुन महिनाको उत्कृष्ट प्रहरी प्रशंसा पत्रद्धारा सम्मान गरिएको हो ।
भारतीय सिमा नाकाहरुमा हुने चोरी तस्करीहरुलाई बन्देज गर्ने, सडकहरुमा सवारी दुर्घटना न्युनिकरण गर्ने, महत्वपुर्ण स्थानहरु, आम नागरिकहरुको सुरक्षा गर्न प्रहरी हरपल तत्पर रहने, प्रहरी आचारण तथा सामाजिक संजालको प्रयोग, आम नागरीकसंग गरिने ब्यवहाालाई ध्यानमा राखि प्रहरी र नागरिक बिच सुमधुर सम्बन्ध कायम राख्न्न, गाऊँ गाँउमा प्रहरी उपस्थित हुने र समसामिक बिषयहरुमा निर्देशन गरि उत्कृष्ट कार्य गर्ने प्रहरी कर्मचारीलाई सम्मान गरिएको प्रहरी उपरीक्षक पौडेलले जानकारी दिए ।
सम्मानीत भएका उत्कृष्ट प्रहरीले सम्मानले थप हौसला प्राप्त भएको भन्दै नागरिकको जनधनको सुरक्षा र शान्ती सुरक्षा अमनचयनका लागि आफुले कुनै कसर बाँकी नराख्ने प्रतिवद्धता जनाएका छन् ।
