बुटवल। लायन्स क्लब अफ बुटवल क्षितिजको आठौँ चार्टर्ड वार्षिकोत्सव, अवार्ड सेरेमोनी तथा पदस्थापन समारोह सम्पन्न भएको छ ।
कार्यक्रममा लायन वर्ष २०२४/२५ का लागि नव निर्वाचित अध्यक्ष आबिस्कार खनाललगायत २०२४/२५ का पदाधिकारीहरुलाइ पद हस्तान्तरण गरिएको थियो । क्लबको प्रथम उपाध्यक्षमा श्री खरेल, द्वितीय उपाध्यक्षमा उदय खत्री, तृतीय उपाध्यक्षमा गुप्त पुन, सचीवमा प्रदिप गुप्ता, कोषाध्यक्षमा गोपाल रेग्मी, क्लब निर्देशकमा इन्द्रप्रसाद भट्टराई र दिपक सापकोटा रहेका छन् भने मनोनीत गर्न बाँकी निर्देशकका पदहरुलाइ क्लबको प्रथम बैठकबाट पूर्णता दिने बताइएको छ ।
कार्यक्रममा प्रमुख अतिथि लायन्स डिष्ट्रक ३२५ पि वर्ष २०२३/२४ का गभर्नर पिएमजेफ लायन अर्जुनमान सैजुले लायन्स क्लब अफ बुटवल क्षितिजले नाम अनुसारको काम गर्न सफल भएको भन्दै आगामी दिनमा क्लबलाइ अझ उचाइमा पु¥याउनुपर्ने बताए ।
यस्तै विशिष्ट अतिथि लायन्स डिष्ट्रक ३२५ पि वर्ष २०२४/२५ का डिष्ट्रक गभर्नर एमजेफ लायन पुरुषोत्तमभक्त प्रधानाङ्गले लायन्स क्लब अफ बुटवल क्षितिजले अगाडि बढाउने कार्यक्रम र अभियानहरु फरक र प्रभावकारी हुने बिश्वास व्यक्त गर्दै त्यस्ता नविनतम कार्यहरुमा डिष्ट्रकले सक्दो सहयोग गर्ने प्रतिबद्धता जनाए ।
कार्यक्रममा लायन्स क्लब अफ बुटवल क्षितिज वर्ष २०२३/२४ का अध्यक्ष लायन ध्रुवकुमार शर्माले आफ्नो कार्यकालमा सहयोग गर्ने क्लबका सस्थापक अध्यक्ष, पूर्वअध्यक्षहरु क्लबका सम्पूर्ण पदाधिकारीहरु, सस्थापक सदस्यहरुसँगै लायन्स डिष्ट्रक ३२५ पिका गभर्नरलगायत डिष्ट्रक, एरिया, जोनका पदाधिकारीहरु, छिमेकी क्लबका अध्यक्षहरु र पत्रकारहरुलाई मायाको चिनो प्रदान गर्दै आफ्नो कार्यकाललाई उत्कृष्ट बनाउन सहयोग गरेको भन्दै सम्मानसहित धन्यवाद व्यक्त गरेका थिए । सोही अवसरमा ध्रुवचन्द्र अक्षय कोषमार्फत बुटवल माविका गरिब तथा जेहेन्दार एक जना विद्यार्थीलाइ छात्रवृत्ति प्रदान गरिएको थियो ।
उक्त अवसरमा पूर्वगभर्नर नवराज न्यौपाने, डिष्ट्रक पदाधिकारी अनिल श्रेष्ठ, डाक्टर मनोज ढुङ्गानालगायतले भनाइ रखेका थिए । पूर्वगभर्नर अरुण प्रताप राणा, महेन्द्रनारायण श्रेष्ठ, वर्ष २०२४÷२५ डिष्ट्रकका प्रथम उपाध्यक्ष बालाराम भट्टराई, द्वितीय उपाध्यक्ष सन्दिप कशौधन, डिष्ट्रक सेक्रेटरी माधव खनाल, डिष्ट्रकका अन्य पदाधिकारीहरु, एरिया, जोनका पदाधिकारीहरुको उपस्थिति रहेको थियो ।
पदभार ग्रहणपश्चात बोल्दै २०२४/२५ का अध्यक्ष खनालले लायन्स क्लब अफ बुटवल क्षितिजको गरिमालाई कायम राख्दै लायन्सको मर्म र भावनाअनुसार बर्ष २४/२५ मा सामाजिक गतिविधिहरुलाई अगाडि बढाउने बताए । क्लबका सस्थापक अध्यक्ष राजिव श्रेष्ठको स्वागत, सचीवद्वय गुप्त पुन, प्रदीप गुप्ता र पूर्वअध्यक्ष शंकर पाण्डेको संचालनमा सम्पन्न उक्त कार्यक्रममा चर्चित गायक बसन्त श्रेष्ठको सांगीतक प्रस्तुतिसमेत रहेको थियो ।
