तुलसी राम पौडेल –
सियारी,कार्तिक २५
रुपन्देहीको सियारी गाउँपालिका -७ पश्चिम् अमवा स्थित जनता माविको खेलमैदानमा संचालित सियारी अध्यक्ष कप दोस्रो रनिङ्गशिल्ड प्रतियोगिता अन्तरगत आइतबार पनि विभिन्न समुह बीच प्रतियोगिताहरु भएका थिए ।
प्रतियोगिताको पहिलो चरणमा वार्ड नम्बर १ नवदुर्गा युवा क्लब र वार्ड नम्बर ७ द राइजिङ्ग क्लब बीच खेल प्रतियोगिता भएको थियोे ।प्रतियोगितामा वार्ड नम्बर १ नव दुर्गा युवा क्लब शुन्यका विरुद्ध एक गोलको अन्तरले वार्ड नम्बर -७ द राइजिङ्ग क्लबलाई हराइ बिजय भएको थियोे ।
नव दुर्गा युवा क्लबका जर्सी नम्बर -७ का सुगम सेनले खेल शुरु भएको दुई मिनेटमा गोल एक गोल गरि टिमलाई विजयी गराएका थिए ।
प्रतियोगिताको आइतबार सम्पन्न दोस्रो चरणको खेल प्रतियोगिता अन्तरगत वार्ड नम्बर -७ अमवा युवा क्लब र वार्ड नम्बर १ हाटि अमवा बीच प्रतियोगिता भएको थियोे ।सम्पन्न प्रतियोगितामा वार्ड नम्बर १ हाटि अमवा युवा क्लबले पेनाल्टीमा एकका विरुद्ध दुइ गोलको अन्तरले वार्ड नम्बर -७ अमवा युवा क्लबलाई हराइ विजयी भएको थियोे । खेलको निश्चित अवधिमा दुबै पक्षले एक एक गोल गरी बराबरीमा भएपछि खेल पेनाल्टीमा गएको थियोे ।
अमवा युवा क्लबका जर्सी नम्बर १७ का आकाश पत्थरकट्टाले पहिलो हाफको ७ औ मिनेटमा एक गोल गरेका थिएभने त्यसै गरी हाटि अमवा युवा क्लबका जर्सी नम्बर ४ का भुसाल केवटले पहिलो हाफको ३३ औ मिनेटमा गोल गरेका थिए ।
