भूकम्पपीडितलाई सुपा देउराली मन्दिरले १ लाख ५१ हजार रुपैयाँ सहयोग गर्ने

मेचीकाली संवाददाता

१२ मंसिर २०८०, मंगलवार
108 shares

अर्घाखाँची । अर्घाखाँचीको सुपा देउराली मन्दिरले भेटीबाट संकलन भएको रकम भूकम्पपीडितलाई सहयोग गर्ने भएको छ ।


मन्दिर संरक्षण समितिको बैठकले जाजरकोट र रुकुम पश्चिमका भूकम्प पीडितको लागि १ लाख ५१ हजार रुपैयाँ आर्थिक सहयोग गर्ने निर्णय गरेको मन्दिर संरक्षण समितिका सचिव हरि खनालले बताए । मन्दिर समितिका अध्यक्ष फर्शबहादुर केसीको अध्यक्षतामा बसेको बैठकले जिल्ला दैविप्रकोप तथा विपद् व्यवस्थापन समितिको खातामा १ लाख ५१ हजार रुपैयाँ सहयोग गर्ने निर्णय गरेको हो ।

२०७२ सालको भूकम्पमा पनि मन्दिरले भेटीबाट १ लाख रुपैयाँ सहयोग गरेको थियोे । पछिल्लो समय सुपा देउराली मन्दिर देशकै प्रमुख धार्मिक तीर्थस्थलको रुपमा विकास भएको छ ।