पार्वती आचार्य
कपिलवस्तु । जिल्ला प्रशासन कार्यालय कपिलवस्तुका सहायक प्रमुख जिल्ला अधिरकारी अनिल पौडेलको फेरी भेटौंला कार्यक्रम सहित बिदाई गरिएको छ । कुशल प्रशासकको रुपमा जिम्मेवारी सम्हाल्दै आनुभएका पौडेल जिल्ला प्रशासन कार्यालय काठमाडौं सरुवा हुनुभएको हो ।
नेपाल सरकारका उप–सचिव पौडेल जिल्ला प्रशासन कार्यालय कपिलवस्तुबाट जिल्ला प्रशासन कार्यालय काठमाडौं सरुवा हुनुभएको छ । यस अघि कपिलवस्तुको बुद्धभूमि नगरपालिकामा २ बर्ष प्रमुख प्रशासकीय अधिकृतको रुपमा समेत जिम्मेवारी सम्हाल्नु भएको थियो भने जिल्ला प्रशासन कार्यालय कपिलवस्तुमा २ बर्ष १ महिनाको जिम्मेवारी गरी कपिलवस्तुमा ४ बर्षको बसाई रहेको थियो ।
हाम्रो कर्तव्य भनेको जनताको सेवा गर्नु हो सेवाको भावनाका साथ आफु जहाँ कार्यरत भएपनि सु–साशन, पारदर्शिताका साथ काम गर्ने पौडेलले बताउनुभयो । सहायक प्रमुख जिल्ला अधिकारी पौडेल सरल, शान्त स्वाभावको भएकाले सेवाग्राहीहरुको नजर र मनमा कुशल प्रशासकको रुपमा कपिलवस्तुमा चिनिनु हुन्छ । कपिलवस्तु जिल्लामा ४ बर्षको बसाई प्रश्चात सरुवा भएर बाहिरी जिल्लामा गएता पनि सहयोग रहिरहने बताउँदै यस जिल्लामा जिम्मेवारी सम्हाल्दा सहयोग गर्नुहुने बिभिन्न सरोकारवालाहरुमा धन्यवाद व्यक्त गर्नुभएको छ ।
