पार्वती आचार्य
कपिलवस्तु। जिल्ला प्रहरी कार्यालय कपिलवस्तुले बढ्दो दुर्घटना न्यूनीकरण गर्नका लागि जिल्लाको तीन स्थानमा व्यारिकेड स्थापना गरी सवारी चेकजाँचको निगरानी बढाएको छ । पञ्चकन्या गु्रप भैरहवाको सहयोगमा पिपरा, चन्द्रौटा र महाराजगञ्जमा व्यारिकेड स्थापना गरेपछि सो क्षेत्रमा सवारी दुर्घटनामा कमी आएको जिल्ला प्रहरी कार्यालय कपिलवस्तुले जानकारी दिएको छ ।
व्यारिकेड स्थापना भएपश्चात उक्त क्षेत्रहरुमा सवारी दुर्घटनामा कमी आएको छ । व्यारिकेडमा २४ सै घण्टा सुरक्षाकर्मीको डिउटी खटाइएको छ । रातिको समयमा गाडीको चेकजाँच गरी गाडी नम्बरसमेत राख्ने गरिएको जिल्ला प्रहरी कार्यालय कपिलवस्तुका प्रहरी उपरीक्षक नवरत्न पौडेलले बताए । दुर्घटना हुनेमा सबैभन्दा बढी महेन्द्र राजमार्ग, चार नम्बर तौलिहवा सडक र हुलाकी मार्गमा बढी दुर्घटना हुने गरेको छ ।
सवारी चालकको लापरवाही हुनु, पैदल यात्रीहरुले सतरकता नअपनु नै दुर्घटना बढी हुनुका मुख्य कारण हुन् । सवारी दुर्घटनाको न्यूनीकरण गर्न जिल्लाको सातवटा ईलाकाको क्षेत्रहरुमा प्रहरी टोलिले सवारी साधनहरुको भिगरस चेकजाँच गर्दै आएको छ । सो अवसरमा सवारी चालकहरुलाई परार्शसमेत गर्दै आएको जिल्ला प्रहरी कार्यालय कपिलवस्तुका प्रहरी उपरीक्षक पौडेलले बताए ।
यस्तै पिक आवरमा विशेष फोकस गरी दुईटा मोटरसाइकल, दुईटा क्यूआरटीको रुपमा मोटरसाइकलहरु दुर्घटना सम्भावित क्षेत्रमा राख्ने योजना बनाएको छ भने केही कार्यहरु लागू गरिसकिएको छ । मोवाईलहरु अफिसमा नराखी सडक सडकमा राख्ने साँझ र बिहानको समयमा प्रहरीलाई सडक र दुर्घटना हुने एरियामा गस्ती गर्न निर्देशन दिइसकिएको छ । जिल्ला प्रहरी कार्यालय कपिलवस्तुले सवारी दुर्घटनालाई न्यूनीकरण गर्न मातहतका इलाकाहरु र स्थानीय तहहरुसँग समन्वय गरी विभिन्न सचेतनामूलक अभियानहरु संचालन गर्ने योजना रहेको प्रहरी उपरीक्षक पौडेलले बताए ।
