बटवल। टिभिएसको नयाँ आटिआर मोटरसाइकल अपाचे १६० टुभी रिफ्रेसको भैरहवामा बिक्री शुभारम्भ भएको छ । टिभिएस मोटर्सको नेपालका लागि आधिकारिक वितरक जगदम्बा मोटर्स प्रालिको भैरहवा शाखाबाट नयाँ भर्सनको उक्त मोटरसाइकल सोमबार सार्वजनिक गरीएको हो ।
नया भर्सनको टिभिएस अपाचे आरटीआर १६० टुभी रिफ्रेसमा कम्पनीले विभिन्न फिचरहरु थपगरी नेपाली बजारमा ल्याएको जगदम्बा मोटर्स प्रालिका सेल्स एरिया म्यानेजर धनिराम भुसालले जानकारी दिए । उनले टिभिएस अपाचे आरटीआर १६० टुभीरिफ्रेसमा १६० सिसी आरटीआर इन्जिन रहेको छ, जसले सेग्मेन्टकै उच्चतम १४.४ पिएस पावर र १३ एनएम टर्कजेनेरेट गर्ने र टिभिएस स्मार्ट कनेक्ट जसको सहायताले राइडरहरुले सजिलै कल तथा टेक्स्ट नोटिफिकेसन, क्र्यास अलर्ट जस्ता सुविधा भएको भुसालले जानकारी दिए ।
टिभिएस आपाचे आरटीआर १६० टुभी रिफ्रेसको बजार मूल्य रु.३ लाख ५ हजार ९ सय रहेको जगदम्बा अटो इन्जिनियरिङ भैरहवा शाखा इन्चार्ज लक्ष्मण भण्डारीले जानकारी दिए । अन्य मोटरसाइकलको तुलनामा यो नयाँ भर्सनको मोटरसाइकलको आर्कषक तथा सुविधा सम्पन्न रहेको कार्यक्रमका सभापति तथा जगदम्बा मोटर्सका सर्भिस रिजनल म्यानेजर चिरञ्जीवी चौधरिले बताए ।
जगदम्बा मोटर्स प्रालि नेपालमा टिभीएसका दुई पाङ्ग्रे सवारी साधनको एक मात्र आधिकारिक वितरक हो । देशभर १४० भन्दा बढी डिलरहरुको बलियो सञ्जालका कारण टिभीएसले बजारमा आफ्नो मजबुत पकड बनाउन र ग्राहकहरूलाई सन्तुष्ट बनाउन सफल भएको सेल्स म्यानेजर भुसालको भनाइ छ । गुणस्तरीय उत्पादन, नवीन टेक्नोलोजीको प्रयोग, बिक्रीपश्चातको उत्कृष्ट सेवा र देशभर जगेडा पार्टपुर्जाहरुको उपलब्धताका कारण नै टिभिएस आज नेपालको सर्वाधिक रुचाइएको टु–ह्विलर ब्राण्डका रुपमा स्थापित हुनपुगेको उनको भनाइ छ । टिभिएसले नेपाली बजारमा टिभिएसरोनिन, रेडर, अपाचे, एन्टर्क, आइक्युब, जस्ता उत्कृष्ट बाइक तथा स्कुटरहरु उपलब्ध गराउँदै आएको छ ।
कार्यक्रममा सिद्धार्थनगर उद्योग बाणिज्य संघका अध्यक्ष ठाकुरकुमार श्रेष्ठ, संघका कोषाध्यक्ष कमलप्रसाद मरासिनी, कार्यसमिति सदस्य प्रमोद रिजाल, कराँते महासंघका केन्द्रीय उपाध्यक्ष गिरी, नाटु भैरहवा अध्यक्ष बिजय शर्मा, एओजि मार्सल आयुष नेपाल इन्स्योरेन्स प्रतिनिधि तथा उपभोक्ताहरुको उपस्थिति रहेको थियो । कार्यक्रम जगदम्बा मोटर्सका सर्भिस रिजनल म्यानेजर चिरञ्जीवी चौधरीको अध्यक्षता तथा सेल्स रिजनल म्यानेजर धनिराम भुसालले संचालन गरेका थिए ।
