अर्घाखाँची । अर्घाखाँचीको शितगंगा नगरपालिकामा पहिरोले गोठ पुरिँदा एक जनाको मृत्यु भएको छ ।
आज बिहान परेको अबिरल वर्षाका कारण शितगंगा नगरपालिका वडा नम्बर १३, सिमलपानीमा गोठमाथिबाट खसेको पहिरोले पुरिँदा ३५ वर्षिय बिष्णु थापाको मृत्यु भएको जिल्ला प्रहरी कार्यालय अर्घाखाँचीले जनाएको छ ।
पहिरो खस्न थालेपछी पशुचौपाया फुकाउन गोठमा पसेका थापालाई पहिरोले च्याँप्दा घटनास्थलमै थापाको मृत्यु भएको ईलाका प्रहरी कार्यालय ठाडाका प्रमुख प्रहरी निरिक्षक रबिन्द्र चन्दले जानकारी दिए । गोठमा थापासँगै एक भैंसीको पाडो र दुई बाख्रा समेत च्याँपिएको वडा अध्यक्ष दुर्गा बिसीले बताए ।
प्रशासनले पहिरोको जोखिमलाई ध्यानमा राखी सतर्क रहन र आबश्यक सुरक्षा सर्तकता अपनाउन समते अनुरोध गरेको छ ।
