तुलसीराम पौडेल –
सियारी, कार्तिक २४
रुपन्देहीको सियारी गाउँपालिका -७ पश्चिम् अमवा स्थित जनता माविको खेलमैदानमा सियारी अध्यक्ष कप दोस्रो रनिङ्गशिल्ड प्रतियोगिता दोस्रो दिन शनिबार पनि दुइ चरणमा खेल प्रतिस्पर्धा भएको थियोे ।पहिलो चरणको खेल अन्तरगत वार्ड नम्बर ७ अमवा युथ क्लब र वार्ड नम्बर ६ NDTYC “B” बीच प्रतिस्पर्धा भएको थियोे ।
प्रतिस्पर्धामा वार्ड नम्बर ७ अमवा युथ क्लबले शुन्यका विरुद्ध १२ गोलको अन्तरले वार्ड नम्बर ६ NDTYC”B” लाई पराजित गरी विजय हासिल गरेको छ।
वार्ड नम्बर -७ अमवा युथ क्लबका जर्सि नम्बर ११ का सुरज गुप्ताले पहिलो हाफको ११ औ मिनेटमा पहिलो गोल गरेका थिए ।सोही टिमका जर्सि नम्बर ७ का बलराम न्यौपानेले पहिलो हाफको १७ औं ,१८ औं ,२८ औं मिनेटमा लगातार गोल गरेका थिए ।दोस्रो हाफमा पनि सोहि टिमका जर्सि नम्बर ७ कै बलराम न्यौपानेले खेल शुरु भएको दुई ,तिन , १२ औं ,२२ औं मिनेटमा गोल गरेका थिए । बलराम न्यौपानेले ८ गोल गर्न सफल भए ।
सोही टिमका जर्सी नम्बर १० का अरुण क्षेत्रीले दोस्रो हाफको ११ औं मिनेटमा र जर्सी नम्बर १४ का कृष्ण सुनारले २४ औं मिनेटमा गोल गरेका थिए ।
दोस्रो चरणको खेल अन्तरगत वार्ड नम्बर ६ NDTYC “A” र वार्ड नम्बर १ नव दुर्गा युवा क्लब बीच प्रतिस्पर्धा भएको थियोे ।प्रतिस्पर्धामा नव दुर्गा युवा क्लब क्लबले शुन्यका विरुद्ध १ गोलको अन्तरले विजय भएको छ।
नव दुर्गा युवा क्लबका जर्सी नम्बर ५ का सुविन विकले पहिलो हाफको १८ औं मिनेटमा पहिलो गोल गरी टिमलाई विजय गराएका थिए ।
