शान्ति दिवसमा लुम्बिनीमा स्काउटको साइकल ¥याली

मेचीकाली संवाददाता

९ आश्विन २०७८, शनिबार
60 shares

लुम्बिनी । अन्तर्राष्ट्रिय शान्ति दिवसको अवसरमा लुम्बिनी प्रदेश स्काउटद्वारा बिश्व शान्तिको मुहान भगवान गौतम बुद्धको जन्मस्थल लुम्बिनिमा आयोजित साइकल र्याली कार्यक्रम सम्पन्न गरेको छ ।

शान्तिको मुहान, बुद्धत्वको विकास भएको स्थल लुम्बिनीबाट विश्व शान्ति र वातावरणमैत्री मानव क्रियाकलापको सन्देश दिने भन्दै साइकल ¥याली गरिएको आयोजक लुम्बिनी प्रदेश स्काउटले जानकारी दिएको छ ।

लुम्बिनी प्रवेशको मुख्यद्वारबाट साइकल ¥याली सुरु गरि विभिन्न स्थानको परिक्रमा गरिएको थियो । ¥यालीले लुम्बिनीका पर्सा चोक–बसपार्क–शान्तिदिप हुँदै मायादेबी मन्दिर परिसर सम्म पुगेको थियो । त्यहाँ संक्षिप्त कार्यक्रमको आयोजना गरि ¥याली समापन गरिएको थियो ।
उक्त कार्यक्रममा बोल्दै स्काउट प्रदेश संयोजक दिनानाथ भट्टराइले विश्वभर शान्तिको सन्देश छर्ने लुम्बिनीबाट स्काउट अभियानको सन्देश फैलाउन र शान्तिको सन्देश दिन साइकल ¥यालीको आयोजना गरिएको बताए ।

लुम्बिनी बिश्व शान्तिको मुहानको रुपमा बिश्वलाइ नै शान्तीको शन्देश दिइरहेका र बुद्धका सन्देशलाई सबैले पालना गर्न जरुरी रहेको उल्लेख गर्दै संयोजक भट्टराईले लुम्बिनीको सरसफाईमा पनि विशेष ध्यान दिन उक्त कार्यक्रमको आयोजना गरिएको बताए ।

विश्व सम्पदा सुचिमा सुचिकृत लुम्बिनीले बिश्व शान्ती प्रवर्द्धन गर्न महत्त्वपूर्ण खेलेको र यो नेपालिको मात्र नभै सारा बिश्वको गौरवको प्रतीक मानिन्छ । अहिले लुम्बिनी गुरुयोजना पूरा हुने चरणमा रहेको छ । लुम्बिनीलाई केन्द्रमा राखेर यसक्षेत्रको समग्र पर्यटन विकासका काम भइरहेका छन् । लुम्बिनीको सन्देश प्रवाह गर्न, शान्तिो प्रेरणा लिन र सरसफाइमा सचेतना जगाउन स्काउटले यसक्षेत्रमा विभिन्न कार्यक्रम गर्दै आएको छ ।

यसअघि नेपाल स्काउटले लुम्बिनी केन्द्रित विशेष सरसफाई कार्यक्रम गरेको र उक्त कार्यक्रमकै अर्को सिलसिलाका रुपमा साइकल ¥याली गरिएको स्काउटका प्रदेश अधिकृत तारा पुरीले जानकारी दिए । साइकल ¥यालीमा १ सय ५० वटा साइकल सहभागी थिए ।लुम्बिनीमा सरसफाईलगायतका कार्यक्रमलार्य यसपटक पनि निरन्तरता दिइएको प्रदेश स्काउटका अधिकृत पुरीको भनाइ छ ।