१३ औं राष्ट्रपति रनिङ शिल्डको उपाधी तानसेनलाई

मेचीकाली संवाददाता

२१ असार २०७९, मंगलवार
278 shares


पाल्पा । शनिबार देखि तानसेनको दमकडामामा सञ्चालन भएको १३ औं राष्ट्रपति रनिङ शिल्ड प्रतियोगिता सम्पन्न भएको छ । तिन दिनसम्म चलेको प्रतियोगितामा १९ स्वर्ण १० रजत र २२ काँस्य गरि कुल ५१ पदक जित्दै तानसेन नगरपालिकाले यस वर्षको रनिङ शिल्डको उपाधि हात पारेको छ ।


प्रतियोगितामा ६वटा पालिकाले स्वर्ण पदक सहित अन्य पदक हात पारेको पारेका छन् भने ४ पालिकाले स्वर्ण पदक प्राप्त गर्ने सकेनन् । स्वास्थ्यका लागि खेलकुद राष्ट्रका लागि खेलकुद भन्ने नाराका साथ ३ दिन सम्म चलेको प्रतियोगितामा बिभिन्न कवड्डी महिला पुरुष ,कराते ,तेक्वान्डो, उसु, एथलेटिक्स ( महिला पुरुष ) दौड प्रतियोगीता अन्र्तगत १०० मि, २०० मि, ४०० मि, ८०० मि, १५०० मि,३००० मिटर, हाईजम्प, लङ्गजम्प, त्रिपल जम्प, ज्याभलिङ्ग थ्रो, सटपुट, १०० ह ४ रिले र ४०० ह ४ रिले लगाएतका खेलमा ९ पालिकाका ४ सय ५० खेलाडीहरुले बिभिन्न ५ खेल बिधामा प्रतिस्पर्धा गरेका थिए ।


त्यस्तै प्रतियोगितामा ७ स्वर्ण ५ रजत र ६ काँस्य गरि कुल १८ पदक जित्दै रम्भा गाउँपालिका दोस्रो भएको छ भने तिनाउ गाउँपालिका ५ स्वर्ण १० रजत र ४ कास्य गरि कुल १९ पदक जित्दै तेस्रो स्थान हासिल गरेकोछ ।
भलिबल पुरुष तर्फ तिनाउ गाउँपालिका प्रथम र रामपुर नगरपालिका दोस्रो भयो । महिलातर्फको भलिबलमा रम्भा गाउँपालिका प्रथम , रैनादेबी गाउँपालिका दोस्रो भयो । यस्तै कपर्दी पुरुषतर्फ तानसेन नगरपालिका प्रथम , रम्भा गाउँपालिका दोस्रा भयो भने महिलातर्फ रम्भा गाउँपालिका प्रथम , तिनाउ दोस्रो भयो । एथ्लेटिक्समा तानसेन न.पा. प्रथम, तिनाउ गा.पा. दोस्रो भए । जिल्ला खेलकुद बिकास समिती, पाल्पाको आयोजना र सामाजिक बिकास डिभिजन पाल्पाको संयोजनमा प्रतियोगिता संचालन गरिएको हो । जिल्ला प्रतियोगिताबाट छनौट भएका ७८ जना खेलाडी यहि असार २४ गतेदेखी दाङ तुल्सिपुरमा आयोजना हुने प्रदेश स्तरिय राष्ट्रपति रनिङ शिल्ड प्रतियोगितामा सहभागिता जनाउन जाने खेलकुद बिकास समितिका कार्यालय प्रमुख तारा बहादुर थापाले बताए ।


बिजयी खेलाडीहरुलाई तानसेन नगरपालिकाका प्रमुख सन्तोषलाल श्रेष्ठले पुरस्कार बितरण गदै खेलकुदले जीवनका हरेक गतिबिधिलाई सवल र शसक्त बनाउदै लैजाने बताए । विशिष्ट अतिथि तिनाउ गाउँपालिकाका अध्यक्ष प्रेम श्रेष्ठले खेलकुद क्षेत्रमा राज्यको प्रत्यक्ष भूमिका रहेको कुरामा जोड दिदै प्रत्येक खेल बिधाले राष्ट्रिय रुपमा पहिचान निमार्णमा सहयोग गर्ने बिश्वास व्यक्त गदै खेलकुदको बिकासमा सबै क्षेत्रको भुमिका अहम रहनु पर्ने बताए ।


पुरस्कार बितरण समारोहमा तिनाउ गाउँपालिकाका उपाध्यक्ष लालबहादुर थापा, जिल्ला समन्वय अधिकारी जनार्धन अधिकारी , शिक्षा बिकास तथा समन्वय इकाइ प्रमुख महेन्द्र सुवेदी , सामाजिक बिकास डिभिजन पाल्पाका हरिलाल अर्याल, तानसेन ९ का वडा अध्यक्ष राजेश कुमार अर्याल ,दमकडा नमुना मा.बि.का प्रधानाध्यापक मोहन सापकोटा , प्रदेश खेलकुद परिषद सदस्य अच्युत पाण्डे , लगायतले पुरस्कार, प्रमाणपत्र ,पदक तथा ट्रफी प्रदान गरेका थिए ।