बुटवल । नेपाल निजामती कर्मचारी संगठन रुपन्देहीको आयोजनामा शुक्रबार बुटवलमा शुभकामना आदानप्रदान, स्वागत तथा सम्मान कार्यक्रम हुने भएको छ ।
नेपालीहरुको महान चाड विजया दशमी, शुभ दिपावली, नेपाल संवत् तथा छठ पर्व २०७९ को अवसरमा शुभकामना आदानप्रदान, स्वागत तथा सम्मान कार्यक्रम आयोजना गरिएको संगठनका रुपन्देही अध्यक्ष प्रेमप्रसाद खनालले जानकारी दिए ।
कार्यक्रममा प्रमुख अतिथीको रुपमा नेकपा एमालेका उपाध्यक्ष तथा पूर्व अर्थमन्त्री विष्णु पौडेल आउने अध्यक्ष खनालले बताए । त्यस्तै कार्यक्रममा बाहिरी जिल्लाहरुबाट रुपन्देहीमा सरुवा भएर आएका संगठनका सदस्यहरु र लोकसेवा आयोगबाट रुपन्देहीमा सिफरीस भएका नयाँ सदस्यहरुलार्य स्वागत र सम्मान गरिनेछ ।
उक्त कार्यक्रममा संघिय निजामती सेव ऐनको बारेमा पनि छलफल गरी सुझाव पेश गर्ने कार्यक्रम तय भएको अध्यक्ष खनालले बताए । साथै उनले संगठनमा आवद्ध रुपन्देहीका सम्पूर्ण सदस्यहरुलाई कार्यक्रममा अनिवार्य उपस्थित हुन आग्रह गरे ।
