बुटवल । बुटवल उपमहानगरपालिका वडा नम्बर २ स्थित उजिरसिंह माविले आफ्नो ६१ औं वार्षिकउत्सव मनाउन सुरु गरेको छ ।
बुधबारदेखि सुरु भएका वार्षिक उत्सवका कार्यक्रम आउदो पुस ७ गते विशेष समारोह आयोजना गरी समापन गरिनेछ । बुधबार विभिन्न खेलकूदका कार्यक्रम गरिएको छ । भलिबल प्रतियोगिता, हिसाव दौड, बेलुन फुटाउने लगायतका कार्यक्रम भएको विद्यालयका प्रधानध्यापक पदमराज ज्ञवालीले जानकारी दिए ।
बिहीबार वृहत रक्तदान, साहित्यिक कार्यक्रम हुनेछन भने, पुस ५ गते सांस्कृति कार्यक्रम राखिएको छ । पुस ७ गते बुटवल उपमहानगरपालिकाका प्रमुख खेलराज पाण्डेको प्रमुख आतिथ्यतामा कार्यक्रम गरिने प्रअ ज्ञवालीले बताए ।
स्कूलले गत वर्ष हिरक महोत्सव मनाएको थियो । पछिल्ला वर्ष विद्यालयले शैक्षिक र भौतिक सुधार गरी प्रगतिको पथमा लम्किरहेको छ । विद्यालयका १ हजार भन्दा बढी विद्यार्थीहरु अध्ययनरत रहेको विद्यालयका अध्यक्ष टिकाप्रसाद उपाध्याययले जानकारी दिए ।
