तुलसीराम पौडेल —
सियारी,पौष२९
रुपन्देहीको शुद्दोधन गाउँपालिका -४ स्थित फर्साटिकर युवा क्लबको आयोजनामा संचालित शुद्दोधन गाउँपालिका १२ औं फर्साटिकर कप अन्तर्गत सोमबार अभिषेक चर्च भर्सेस गोर्खा ब्वाइज बीच दोस्रो सेमिफाइनल प्रतियोगिता भएको थियोे ।सम्पन्न प्रतियोगितामा गोर्खा ब्वाइजलाई ३-२ को गोल अन्तरले पराजित गर्दै अभिषेक चर्च फाइनलमा प्रवेश गरेको छ ।सोमबार सम्पन्न सेमी-फाइनल खेलमा अभिषेक चर्चका सुमित श्रेष्ठ म्यान अफ द म्याच घोषित भए ।सुमित श्रेष्ठलाई शुद्दोधन वडा नम्बर -६ का वडा अध्यक्ष उपेन्द्र साहनिले नगद रु. ३ हजार रुपैयाँ प्रदान गर्नुभएको थियो। माघ २ गते हुने फाइनल खेल आयोजक फर्साटिकर युवा क्लब र अभिषेक चर्च विच हुने आयोजकले बताएका छन् । 
शुद्दोधन -४ सौफर्साटिकर स्थित फर्साटिकर माविको खेल मैदानमा पौष २०”गतेदेखि माघ २ गतेसम्म संचालन हुने प्रतियोगिताको प्रथम पुरस्कार नगद ३ लाख ५ रुपैया ,कप मेडल प्रमाणपत्र दोस्रो पुरस्कार १ लाख ५० हजार ५ रुपैयाँ रहेको छ। त्यसै गरि सर्वाधिक गोलकर्ताको लागि नगद १० हजार पाच रुपैया ,उत्कृष्ट गोल रक्षकको लागि १० हजार ५रुपैयाँ ,उदयमान खेलाडिको लागि नगद ५ हजार रुपैया ,म्यान अफ द म्याच घोषित हुनेको लागि नगद ३ हजार रुपैया रहेको क्लबका सचिव बिष्णु प्रसाद पङ्गेनिले जानकारी दिनुभयो ।
