बुटवल । नेपालमा सितोरियो कराँते सन् १९८३ (वि.सं. २०४०) मा स्थापना गरिएको थियो । यो नेपालमा स्थापित पहिलो कराँते शैलीहरूमध्ये एक हो । सितोरिया कराँते नेपालमा आएपछि यसको अभ्यास व्यापक रूपमा हुन थाल्यो र अहिले विभिन्न डोजोहरू (प्रशिक्षण केन्द्रहरू) स्थापनासंगै नेपालमै पहिलो स्थापना भएको र यसका माध्यमबाट विभिन्न हागा बिगाहरु स्थापनासमेत भएका छन् ।
यहीअनुरुप रुपन्देहीमा पनी विभिन्न स्थानहरुमा सितोरिया कराँतेको व्यापकता रहेको छ । बेल्ट टेस्ट तथा नयाँ डोजोको शुभारम्भ सितोरिया कराँते रुपन्देहीका निर्देशक माधव घिमिरेले गरे । सो अवशरमा घिमिरेले खेलकुदका माध्यमबाट नेपाललाई चिनाउने र स्वस्थ जीवन जिउन र अनुशासनपूर्वक आफ्नो करियर बनाउन सहयोग पुग्ने बताए ।
रुपन्देहीको ओमसतिया गाउँपालिका–६ मझौलीचोकमा स्थापित नयाँ डोजो सितोरियो कराँते डोजो सुभारम्भ तथा बेल्टटेस्ट कार्यक्रम प्रमुख प्रशिक्षक रामवृक्ष ठाकुरको अध्यक्षतामा सम्पन्न भएको हो ।
