बुटवल, मंसिर १३ । वैदेशिक रोगगारी, अध्ययन र भ्रमणमा जानेहरुको लागि एउटै छानामुनि सामान उपलब्ध गराउने गरी बुटवलमा शुभ यात्रा शप सञ्चालनको आएको छ । मिलनचोकस्थित बुटवल सिटी सेन्टरको भवनमा सेवा दिने गरी ‘वान स्टप, वान स्टोर’ भन्ने अभियानसहित शुभयात्राले आफ्नो तेस्रो आउट लेट सञ्चालनमा ल्याएको हो । शुभयात्रामा विदेश जुन देशमा जाने हो त्यहाको बातावरण र भुगोल बुझेर सामान किन्न पाइने छ ।
शाखाको शुक्रबार साँझ बुटवलका स्थापित उद्योगी÷व्यवसायी महेन्द्र नारायण श्रेष्ठले उद्घाटन गरे । सो अवसरमा बोल्दै श्रेष्ठले बुटवलमा भिन्न किसिमको सपिङ सेन्टरले सेवाग्राहीले नयाँ ल्याउन ल्याउन विश्वास व्यक्त गरे । उनले एकै ठाउँमा विदेश जानेहरुका लागि सबै सामान किन्न पाउने गरी सञ्चालनमा आएको सपले नयाँ आयाम थप्ने भनाइ राखे ।
शुभयात्राका सञ्चालक भुवन गिरीले पहिलो शाखा दुई वर्ष अगाडि काठमाडौंको पुतलीसडक सञ्चालनमा ल्याएको बताए । त्यसको सफलतासँगै मोफसलको मिलनोच सेन्टरमा विस्तार गरी बुटवलबाट पनि सेवा थालेको बताए । शुभयात्राका डाइरेक्टर रमेश पाण्डेले विदेश जानेका लागि सेवासहित गुणस्तरीय सामानहरु विक्री गर्ने बताए । अर्का सञ्चालक दर्शन खनाल विधार्थीहरुलाई कपडा बेच्ने मात्र नभइ सबैको सारथीको रुपमा सेवा प्रदान गर्ने आफूहरुको चाहना रहेको बताए । कार्यक्रमको सञ्चालन पत्रकार सुमन श्रेष्ठले गरेका थिए ।
