तुलसीराम पौडेल —
फर्साटिकर, पौष २०
रुपन्देहीको शुद्दोधन गाउँपालिका -४ सौ फर्साटिकर स्थित फर्साटिकर युवा क्लबको आयोजनामा आज शुद्दोधन गाउँपालिका १२ औं फर्साटिकर कप २०८१ शुरु हुदैछ।
शुद्दोधन गाउँपालिका -४ स्थित फर्साटिकर माध्यमिक विद्यालयको खेलमैदानमा आजदेखी शुरु हुने १२ औ फर्साटिकर कप २०८१ को उदघाटन शुद्दोधन गाउँपालिका अध्यक्ष बिष्णु प्रसाद बस्यालले दिउँसो २ बजे गर्नुहुनेछ । आज हुने प्रतियोगिता अन्तरगत भैरब स्पोर्ट्स क्लब नवलपरासी र सम्पूर्ण युवा क्लब सुपौली बीच प्रतिस्पर्धा हुने आयोजक क्लब फर्साटिकर युवा क्लबका सचीव बिष्णु प्रसाद पङ्गेनिले जानकारी दिनुभयो।
पौष २० गते शुरु भैई माघ २ गते समापन हुने शुद्दोधन गाउँपालिका १२ औ फर्साटिकरको विजेताले नगद तीन लाख पाँच रुपैयाँ र कप मेडल प्राप्त गर्नेछन् भने उपविजेताले नगद एक लाख पचास हजार पाच रुपैया,कप मेडल प्राप्त गर्नेछ्न । त्यसै गरि सर्वाधिक गोलकर्ताले नगद दस हजार पाच रुपैया ,उत्कृष्ट गोल रक्षकले नगद दस हजार पाच रुपैयाँ ,उदयमान खेलाडीले नगद पाच हजार पाच रुपैयाँ , म्यान अफ द म्याच घोषित हुनेले नगद ३ हजार रुपैया प्राप्त गर्ने कुरा क्लबका अध्यक्ष मुकेश कुवरले जानकारी दिनुभयो ।
