तुलसीराम पौडेल —
फर्साटिकर, पौष २७
रुपन्देहीको शुद्दोधन गाउँपालिका -४ सौ फर्साटिकर स्थित फर्साटिकर युवा क्लबको आयोजनामा संचालित शुद्दोधन गाउँपालिका १२ औ फर्साटिकर कप प्रतियोगिता अन्तरगत शनिबार गोर्खा ब्वाइज बुटवल भर्सेस इन्टरनर्थ इस्ट एफ .सि .मणिपुर आसाम बीच प्रतियोगिता भएको थियोे ।
सम्पन्न प्रतियोगितामा गोर्खा ब्वाइज बुटवलले १ का विरुद्ध ५ गोलको अन्तरले इन्टरनर्थ इस्ट एफ .सि मणिपुर आसामलाई पराजित गरि बिजय भैइ सेमिफाइनलमा प्रवेश गरेको छ। शनिबारको खेलको म्यान अफ द म्याच गोर्खा ब्वाइजका जर्सी नम्बर ११ का खेलाडी फागुराम थारु घोषित भए ।केन्द्रिय एनफा उपाध्यक्ष दीर्घ बहादुर केसिले म्यान अफ द म्याच पुरस्कार नगद ३००० रुपैयाँ प्रदान गर्नुभयो ।
रुपन्देहीको शुद्दोधन -४ स्थित फर्साटिकर माध्यमिक विद्यालय को खेलमैदानमा पौष २० गतेदेखि संचालित शुद्दोधन गाउँपालिका १२ औं फर्साटिकर कप प्रतियोगिता माघ २ गते समापन हुने खेल संयोजक अकरम अलिले जानकारी दिनु भयो।प्रतियोगिताको प्रथम पुरस्कार नगद ३ लाख ५ रुपैया ,कप मेडल प्रमाणपत्र दोस्रो पुरस्कार १ लाख ५० हजार ५ रुपैयाँ रहेको छ। त्यसै गरि सर्वाधिक गोलकर्ताको लागि नगद १० हजार पाच रुपैया ,उत्कृष्ट गोल रक्षकको लागि १० हजार ५रुपैयाँ ,उदयमान खेलाडिको लागि नगद ५ हजार रुपैया ,म्यान अफ द म्याच घोषित हुनेको लागि नगद ३ हजार रुपैया रहेको क्लबका सचिव बिष्णु प्रसाद पङ्गेनिले जानकारी दिनुभयो ।आइतबारको हुने खेल प्रतियोगिता अन्तर्गत भैरव एफसी नवलपरासी भर्सेस फर्साटिकर युवा क्लब बीच प्रतियोगिता हुने क्लबका सचिव पङ्गेनिले जानकारी दिनुभयो ।
