तुलसीराम पौडेल
सियारी पौष २८
रूपन्देही स्थित निजी तथा आवासीय विद्यालय अर्गनाइजेसन प्याब्सन सियारीको आयोजनामा मावि स्तरीय छात्र छात्रा भलिबल प्रतियोगिता सरस्वती ज्ञान निकेतन स्कुल दयानगरमा आइतबारदेखि शुरु भयो। प्याब्सन सियारिका अध्यक्ष कमलप्रसाद पौडेलले प्रतियोगिताको उद्घाटन गर्नुभयो। प्रतियोगिता अन्तर्गत लुम्बिनी ज्ञान ज्योति र सन्त ज्योति बीच भएको छात्र भलिबल प्रतियोगितमा सन्तज्योति विजयी भई सेमीफाइनलमा प्रवेश गरेको छ। त्यसैगरी सरस्वती ज्ञान निकेतन र रोजबड एकेडेमी बीच भएको छात्र भलिबल प्रतियोगितामा रोजबड एकेडेमी विजयी भई सेमीफाइनलमा प्रवेश गरेको छ। छात्रा भलिबल प्रतियोगिता अन्तर्गत लुम्बिनी ज्ञान ज्योति र दुर्गा मोडल एकेडेमी बीच भएको प्रतियोगितामा लुम्बिनी ज्ञानज्योति विजयी भई सेमीफाइनलमा प्रवेश गरेको छ। सरस्वती ज्ञान निकेतन र सन्त ज्योति बीच भएको छात्रा भलिबल प्रतियोगितामा सन्त ज्योति विजयी भई सेमीफाइनलमा प्रवेश गरेको छ। त्यसैगरी रोजबड एकेडेमी र दुर्गा शैक्षिक बीच भएको छात्रा भलिबल प्रतियोगितामा रोजबड एकेडेमी विजयी भई सेमीफाइनलमा प्रवेश गरेको छ।
सोमबार छात्रा भलिबल प्रतियोगिता अन्तर्गत रोज बर्ड भर्सेस संस्कार र सन्तज्योति भर्सेस लुम्बिनी ज्ञान ज्योति बीच प्रतियोगिता हुनेछ। त्यसैगरी छात्र भलिबल प्रतियोगिता अन्तर्गत सन्तज्योति भर्सेस रोजबड एकेडेमी र संस्कार भर्सेस दुर्गा शैक्षिक बीच प्रतियोगिता हुनेछ। मावि स्तरीय भलिबल प्रतियोगिता सोमबार समापन हुने आयोजकले बताएका छन्।
