तुलसीराम पौडेल —
लुम्बिनी ,माघ २६
रुपन्देहीको लुम्बिनी सांस्कृतिक नगरपालिका स्थित लुम्बिनी नव युवा क्लबको आयोजना तथा नगरपालिका ,वडा नम्बर ३ र लुम्बिनी खेलकुद परिषदको सहयोगमा माघ १२ गतेदेखि संचालित लुम्बिनी इन्डो नेपाल क्रीकेट टुर्नामेन्ट PLPL session 7 प्रतियोगिता माघ २६ गते शनिबार समापन भएको छ। लुम्बिनी प्रदेश भौतिक तथा पुर्वधार विकास मन्त्री भुमिस्वर ढकालले एक कार्यक्रमका बीच शनिबार फाइनल खेलको उद्घाटन गर्नुभयो ।सो अवसरमा बोल्दै मन्त्री ढकालले सार्वजनिक जग्गाको व्यवस्था भएमा लुम्बिनीमा स्थित खेलमैदानलाई रंगशालामा बनाइने प्रतिबद्धता व्यक्त गर्नुभयो ।
शनिबार सम्पन्न फाइनल प्रतियोगिता अन्तर्गत Rohini star भर्सेस JDH Kapilvastu बीच प्रतियोगिता भएको थियो । प्रतियोगिताको विजेता JDH Kapilvastu हुन सफल भएको छ ।म्यान अफ द म्याच JDH Kapilvastu का खेलाडी धर्मेन्द्र यादव घोषित भएका छन् । लुम्बिनी नव युवा क्लबका अध्यक्ष अहमद खानको अध्यक्षता तथा स्वागत मन्तव्य ,भौतिक पुर्वाधार विकास मन्त्री भुमिस्वर ढकालको प्रमुख आतिथ्यतामा,नगरपालिका प्रमुख सजरुद्दिन मुसलमानको विशिस्ट आतिथ्यता, वार्ड नम्बर १ देखि १३ सम्म वडा अध्यक्षहरु तथा नगरपालिका प्रमुख प्रशासकीय अधिकृत तारा ज्ञवालीको आतिथ्यतामा सम्पन्न कार्यक्रममा लुम्बिनी विकास कोष सदस्य सचीव सानु राज शाक्य ,नेकपा एमाले प्रदेश कमिटी सदस्य अब्दुल रहमान खान लगायतले शुभकामना मन्तव्य दिनुभएको थियो ।कार्यक्रमको संचालन मनोज धवलले गर्नुभएको थियो ।
