तुलसीराम पौडेल—-

 लुम्बिनी माघ २८ 

रुपन्देही स्थित लुम्बिनी सांस्कृतिक नगरपालिकाको आयोजनामा चौथो रनिङ सिल्ड प्रतियोगिता सोमबारदेखि सुरु भएको छ। रूपन्देहीका पूर्व सांसद भरतकुमार शाहले उक्त प्रतियोगिताको उद्घाटन गर्नुभयो।सो अवसरमा  उहाँले खेलकुदको माध्यमबाट विद्यार्थीको प्रतिभा विकास एवं शारीरिक स्वास्थ्य राम्रो हुने बताउनुभयो। चौथो रनिङ्गशिल्ड  प्रतियोगिता अन्तर्गत  सोमबार सम्पन्न १०० मिटर दौड छात्र प्रतियोगितामा अधियारी  मावि प्रथम, खुदा बगर मावि दोस्रो र मधुबनी मावि तेस्रो भएका छन्। छात्रा अन्तर्गत भगवानपुर आधारभूत विद्यालय प्रथम, मधुबनी मावि दोस्रो र बलरामपुर मावि तेस्रो भएका छन्। सम्पन्न १५०० मिटर दौडमा छात्रतर्फ तेनुहवा मावि पहिलो, बलरामपुर मावि दोस्रो र बुद्ध आदर्श मावि तेस्रो भएका छन्। छात्रातर्फ आमा मावि पहिलो, बुद्ध आदर्श मावि दोस्रो र खुदाबगर मावि तेस्रो भएका छन्। सम्पन्न लङ जम्प अन्तर्गत छात्रतर्फ भएको प्रतियोगितामा मसिना मावि पहिलो ,मधुबनी मावि दोस्रो र कर्महवा मावि तेस्रो भएका छन्। छात्रातर्फ बलरामपुर मावि पहिलो, खुदा बगर मावि दोस्रो र बुद्ध आदर्श मावि तेस्रो भएका छन्। सम्पन्न शटपुट प्रतियोगिता अन्तर्गत छात्र प्रतियोगितामा मसिना बाबा मावि  पहिलो, बुद्ध आदर्श मावि दोस्रो र बलरामपुर मावि तेस्रो भएका छन्। सम्पन्न भलिबल प्रतियोगिता छात्रातर्फ मसिना बाबा मावि पहिलो, बुद्ध आदर्श मावि दोस्रो , आमा मावि र अधिकारी मावि तेस्रो भएका छन्। लुम्बिनी सांस्कृतिक नगरपालिकाका नगरप्रमुख सजरुद्दिन मुसलमानको अध्यक्षता, रुपन्देही क्षेत्र नम्बर ४ पूर्व सांसद भरतकुमार शाहको प्रमुख आतिथ्यतामा सम्पन्न कार्यक्रममा डाक्टर कुलप्रसाद खनाल ,नगर प्रवक्ता इनामूललाहा फकिर ,प्रमुख प्रशासकीय अधिकृत तारा ज्ञवाली, प्रधानाध्यापक  धुर्वचन्द्र त्रिपाठी लगायतले शुभकामना मन्तव्य दिनुभएको थियो। नगरपालिका शिक्षा प्रमुख लक्ष्मी पराजुलीको स्वागत मन्तव्य तथा कार्यक्रमबारे जानकारी, मोहम्मद इलिवास मुसलमान को कार्यक्रमको उद्देश्यमाथि प्रकाश रहेको कार्यक्रमको सञ्चालन शिक्षा प्राविधिक प्रमिला पछाईले गर्नुभएको थियो।