बुटवल, माघ ३० । क्यानन सेकेण्डरी स्कुलले आफ्नो २८ वार्षिकोत्सब तथा रजत जयन्ती विविध कार्यक्रम गरि मनाउदै छ । रचनात्मक कार्यक्रम गरि दिवस मनाउन लागेको हो ।
विद्यालय परिसरमा बुधबार पत्रकार सम्मेलन गरि कोभिड संक्रमणका कारण रोकिएको रजत जयन्तीलाई २८ वार्षिकोत्सबको अवसरमा मनाउन लागेको विद्यालयका प्राचार्य शंकर भण्डारीले बताए । माघ २२–२५ खेलकुद सप्ताह, जिल्ला स्तरिय बादबिवाद प्रतियोगिता लगायत कार्यक्रम संचालन भैसकेको उनले बताए । विहिबार विद्यालय परिसरमा वृहत रक्तदान तथा फागुन २ गते मुल समारोह हुने उनले बताए ।
क्यानन नया युगको शिक्षा नीति अनुसार अध्यापनमा अग्रसर रहेको भन्दै उनले गुणस्तरीय शैक्षिक विकासमा जोड दिएको बताए । बुटवलको अन्तराष्ट्रिय सभाहलमा हुने मुल समारोहमा प्रतिनिधि सभाका उपसभामुख ईन्दिरा रानाको विशेष उपस्थिती रहने उनले बताए । सो कार्यक्रममा उत्कृष्ट नतिजा ल्याउने विद्यार्थी, शिक्षक सम्मान, पत्रकार सम्मान लगायतसहित सास्कृतिक कार्यक्रमहरु गरिने उनले बताए ।
कार्यक्रममा विद्यालय ब्यवस्थापन समितिका अध्यक्ष थानेश्वर पौडेलले विद्यार्थीहरुलाई बैज्ञानिक, सीपमुलक र ब्यवहारिक अध्ययनमा जोड दिने गरि आफुहरु लागेको बताए । कार्यक्रममा विद्यालयका ईसिए प्रमुख मिनराज गिरिले विद्यार्थीहरुको अन्तरनिहित प्रतिभा प्रस्फुटन हुने गरि खेलकुद गतिविधिलाई विशेष प्राथमिकतामा राखेको बताए । विभिन्न विधामा राष्ट्रियस्तरमा उत्कृष्ट नतिजा ल्याउने धेरै खेलाडीहरु जन्माउन समेत सफल रहेको उनले बताए । विद्यालयमा प्ले ग्रुप देखि १० सम्म ७ सय जना विद्यार्थीहरु छन् । यसैगरि विज्ञान र ब्यवस्थापन विषयमा गरि प्लस टु मा ३२२ विद्यार्थीहरु अध्ययरत रहेका छन् ।
