लुम्बिनी सांस्कृतिकको चौथो राष्ट्रपति रनिङ सिल्ड प्रतियोगितामा बुद्ध आदर्श मावि प्रथम

मेचीकाली संवाददाता

३० माघ २०८१, बुधबार
137 shares

 तुलसीराम पौडेल

लुम्बिनी ,माघ ३० 

 रुपन्देही स्थित लुम्बिनी सांस्कृतिक नगरपालिकाको आयोजनामा माघ १२ गतेदेखि सञ्चालित चौथो राष्ट्रपति रनिङ सिल्ड प्रतियोगिता बुधबार समापन भएको छ। लुम्बिनी सांस्कृतिक नगरपालिकाको वडा नम्बर ३ पडेरियामा सम्पन्न चौथो राष्ट्रपति रनिङशील प्रतियोगिताको पहिलो पुरस्कार बुद्धर आदर्श माविले प्राप्त गर्न सफल भएको छ। बुद्ध आदर्श माविले ७ गोल्ड ८ सिल्भर र सात ब्रोन्ज  प्राप्त गरेको थियो। प्रतियोगिताको दोस्रो पुरस्कार आमा माविले प्राप्त गर्न सफल भएको छ। आमा माविले छ गोल्ड ३ सिल्भर र ३ ब्रोन्ज प्राप्त गर्न सफल भएको थियो। प्रतियोगिताको तेस्रो पुरस्कार बलरामपुर माविले प्राप्त गर्न सफल भएको छ। बलरामपुर माविले चार गोल्ड दुई सिल्भर र छ ब्रोन्ज प्राप्त गर्न सफल भएको थियो। कार्यक्रममा नगर प्रमुख सजरुद्दिन मुसलमान ,नगर प्रवक्ता तथा वडा नम्बर २ का अध्यक्ष इनामूललाह फकिर ,वडा नम्बर ३ का वडा अध्यक्ष अकारामुद्दिन खा, कार्यपालिका सदस्य हुसेनी लोध, नगर शिक्षा शाखा प्रमुख लक्ष्मी पराजुली, खेलकुद सदस्य सचिव मोहम्मद इलियस खान लगायतबाट पुरस्कार वितरण गरिएको थियो। कार्यक्रमको सञ्चालन दिनेश कुमार उपाध्यायले गर्नुभएको थियो।