बुटवल । संयुक्त नागरिक पार्टी रुपन्देहीको प्रथम जिल्ला भेला सम्पन्न भएको छ । पार्टीका केन्द्रिय अध्यक्ष दल मर्दन कामीको प्रमुख आतिथ्यतामा शनिबार भेला सम्पन्न भएको हो ।
उक्त भेलामा बिजय प्रसाद गौतमको अध्यक्षतामा जिल्ला कार्य समिति गठन गरेको छ । माधवकुमार नेपाल नेतृत्वको समाजवादी पार्टीका प्रदेश समिति सदस्य रहेका गौतम पार्टी प्रवेश गरेर संयुक्त नागरिक पार्टी रुपन्देही जिल्ला अध्यक्ष बनेका हुन् ।
त्यस्तै प्रथम उपाध्यक्षमा तविता वि.क., द्धितिय उपाध्यक्षमा रचना मोक्तान, सचिवमा शंकरपृथी सिमोन, सहसचिवमा ललित तिरुवा र कोषाध्यक्षमा श्याम गुरुङ चयन भएका छन् । यसैगरी सदस्यहरू प्रकाश चन्द्र घिमिरे, सानु भापा, कमला गोतामे, हेम आले, हिरा सारु, रुवेन चौधरी, भिम क्षेत्री, सावित्रा गलामी रहेका छन् । त्यस्तै भेलाले युवराज वि.क, मन पाण्डे र यान वहादुर सुनारलाई सल्लाहाकार बनाएको छ
भेलालाई सम्बोधन गर्दै अध्यक्ष कामीले संयुक्त नागरिक पार्टी रहरले पार्टी निर्माण नगरेको भन्दै जनताका मुद्धा सधै प्राथमिकतामा राख्ने बताए । लुम्बिनी प्रदेशमा रुपन्देहीबाट औपचारिक रुपमा आफ्नो ऐतिहासिक यात्राको नयाँ युग सुरु भएको भन्दै उनले पार्टीको निति इमानदार नेता आजको आवश्यकता रहेको बताए ।
नव कार्यसमितिलाई शुभकामना दिदै उनले जिल्लाभर विद्यमान अन्याय, विभेद, बहिष्कार र दमनका संरचनाविरुद्ध दृढ संघर्ष गर्दै पार्टीको नेतृत्व सदैव उत्तरदायी रहन र सत्ता शक्तिको लोभमा नझुक्न र जनताको इमानदार काम गर्न निर्देशन दिए ।
उनले रुपन्देही नेपालकै ऐतिहासिक प्रयर्टन विविधताको केन्द्र, सांस्कृतिक धरोहरको भण्डार र कृषिउद्योगको मूल थलोको रूपमा स्थायित्व दिन जिल्लामा दलित, मधेसी, मुस्लिम, इशाइ बुद्धिष्ट, सिख जैन लगायतका धार्मिक अल्पसंख्यक सीमान्तकृतको अधिकार खसआर्य, थारू, आदिवासी–जनजाति सबै समुदायको आत्मसम्मान सुरक्षित गर्दै समानअस्तित्वको अवसर ग्यारेन्टी गर्ने कुरामा पार्टी प्रतिबद्ध रहेको बताए ।
कार्यक्रममा पार्टीका उपमहासचिव विदुर अधिकारी पार्टी केन्द्रिय सदस्य गणेश सुनारले पार्टीको धारणा राखेका थिए । कार्यक्रम पार्टीका प्रवक्ता बिदुर अधिकारी र केन्द्रीय सदस्य गणेश सुनार, डाक्टर जोयल रेग्मी, मन पाण्डे, युवराज बिक, ललित तिरुवा, तेज प्रकाश बिसि, बाबुराम बस्नेतले नयाँ कार्यसमितिलाई शुभकामना सन्देश दिएका थिए ।
