बुटवल । रोट्रयाक्ट क्लब अफ बुटवल डाउन टाउनको २३ औं पदस्थापन तथा पदहस्तान्तरण कार्यक्रम सम्पन्न भएको छ । कार्यक्रममा वर्ष २०२४–२५ का अध्यक्ष डिल्लीराज ढकालले अध्यक्ष पदको जिम्मेवारी वर्ष २०२५–२६ का अध्यक्ष आबिष्कार खनाललाई हस्तान्तरण गरेका थिए ।
बुटवल । रोट्रयाक्ट क्लब अफ बुटवल डाउन टाउनको २३ औं पदस्थापन तथा पदहस्तान्तरण कार्यक्रम सम्पन्न भएको छ । कार्यक्रममा वर्ष २०२४–२५ का अध्यक्ष डिल्लीराज ढकालले अध्यक्ष पदको जिम्मेवारी वर्ष २०२५–२६ का अध्यक्ष आबिष्कार खनाललाई हस्तान्तरण गरेका थिए ।
कार्यक्रमममा न्युज २४ टेलिभिजनका न्युज एडिटर तथा कार्यक्रम प्रस्तोता राजिब खत्रीको प्रमुख आतिथ्यता, रोट्रयाक्ट डिस्ट्रिक्ट ३२९२ का आइपीडीआरआर बिक्रम क्षेत्रीको विशिष्ट अतिथ्यता, रोट्रयाक्ट क्लब अफ बुटवल डाउन टाउनका पूर्व अध्यक्ष तथा रोटरी डाउनटाउन वर्ष २०२५–२६ का अध्यक्ष बाबुराम बन्जाडे र जोन १८ का जेडआरआर डा. आबिष्कार पराजुलीको आतिथ्यता रहेको थियो ।
कार्यक्रमलाई सम्बोधन गर्दै निवर्तमानअध्यक्ष डिल्लीराज ढकालले आफ्नो कार्यकालमा सहयोग गर्ने बोर्ड सदस्यहरु, क्लब सदस्यहरु, पूर्व अध्यक्षहरु तथा सहयोगीहरूलाई मायाको चिनो प्रदान गरे ।
पदभार ग्रहणपश्चात वर्ष २०२५–२६ का अध्यक्ष आबिष्कार खनालले १९ सदस्यीय नयाँ कार्यसमिति, ९ सदस्यीय मेन्टर प्यानल घोषणा गर्दै क्लबका १२ सदस्यसँगै ३५ जना नया सदस्यहरुलाई स्वागत गरे । सो अवसरमा उनले आफ्नो वार्षिक कार्ययोजना सार्वजनिक सँगै वर्ष २०२५–२६ को थीम, क्लब डायरी र क्लब टी–शर्ट पनि सार्वजनिक गरिएको थियो ।
अवसर र रोजगारीको सम्भावनालाई नियाल्दै रोट्रयाक्ट क्लब अफ बुटवल डाउन टाउन र समृद्धि हेरड्रेसिङबीच महत्वपूर्ण समझदारी गरिएको थियो । समझदारी पत्रमा समृद्धि हेयर ड्रेसिङका सञ्चालक मोहन ठाकुर र क्लबका अध्यक्ष आबिष्कार खनालले हस्ताक्षर गरेका थिए । समझदारी पत्रअनुसार यस वर्ष आर्थिक अवस्था कमजोर रहेका २ जना पुरुष र १ जना महिलालाई समृद्धि हेयर ड्रेसिङको तर्फबाट करिब ६ लाख रुपैयाँ बराबरको तालिम निशुल्क प्रदान गरिनेछ । तालिम प्राप्त गर्नेले तालिम पूरा गरेपछि रोजगारी ग्यारेन्टी पनि पाउनेछन् भने क्लबका सदस्यहरूलाई हेयरकटमा १०% र अन्य सेवाहरूमा १५ प्रतिशत छुट प्रदान गरिने व्यवस्था गरिएको छ ।
पद हस्तान्तरण तथा पदस्थापन समारोह क्लबको ३३४ औं नियमित बैठकसँगै सम्पन्न भएको थियो । कार्यक्रममा समारोह संयोजक तथा मनोनित अध्यक्ष महेश खनालको स्वागत मन्तव्य, उपाध्यक्ष रमेश पन्थीको धन्यवाद मन्तव्य रहेको थियो भने कार्यक्रमको सञ्चालन वर्ष २४–२५ कि सचिव मन्जु गिरी र २५–२६ का सचिव केशव पौडेलले गरेका थिए ।
