बुटवल। उपभोक्ता हित संरक्षण मञ्च, रुपन्देहीको आयोजनामा आइतबार बुटवलमा स्वच्छ व्यवसायी, स्वस्थ बजार तथा अभिमुखीकरण कार्यक्रम सम्पन्न भएको छ । बुटवल उपमहानगरपालिकाभित्रका मासु व्यवसायीलाई लक्षित गरी अभिमुखीकरण कार्यक्रम गरिएको हो । कार्यक्रमको उद्घाटन गर्दै बुटवल उपमहानगरपालिकाका उपप्रमुख सावित्रादेवी अर्यालले मासु व्यवसायीलाई कानुनी प्रक्रिया पूरा गरेर मात्र व्यवसाय सञ्चालन गर्न आग्रह गरिन् ।
मासुमा मिसावट हुने गरिएको पाइएको बताउँदै अर्यालले त्यसलाई पूर्ण रुपमा नियन्त्रण गर्न सबै पक्षलाई आग्रह गरिन् । मासुलाई स्वच्छ बनाउन उपभोक्ता र व्यवसायी सचेत हुनुपर्ने बताइन् । उपभोक्ता हित संरक्षण मञ्चका केन्द्रीय उपाध्यक्ष तेजकुमार पाठकले खाद्य वस्तुमा मिसावटले मानव स्वास्थ्यमा असर पु¥याउने बताउँदै त्यसप्रति सचेत आवश्यक रहेको बताए । कार्यक्रमा मासु व्यवसायी संघ रुपन्देहीका अध्यक्ष विशाल थापा, उपभोक्ता हित संरक्षण मञ्च लुम्बिनी प्रदेशका उपाध्यक्ष ऋषि आजाद, बुटवल उपमहानगरपालिका अनुगमन अधिकृत लक्ष्मी अर्याललगायतले बोलेका थिए ।
कार्यक्रममा उपभोक्ता हित संरक्षण मञ्च रुपन्देहीका अध्यक्ष अध्यक्ष समुन्द्र जिसी, बुटवल उपमहानगरपालिकाका अधिकृत सातौँ डा. भागिरथ पुरी, अनुगमन अधिकृत लक्ष्मी अर्याल, दानबहादुर कुँवर मगर, गीता पोखरेल व्यवसायीलाई सहजीकरण गरेका थिए । मञ्चका अध्यक्ष समुन्द्र जिसीको अध्यक्षता, कार्यक्रम संयोजक सारदा पौडेलको स्वागत तथा कोषाध्यक्ष राजु लिगलको सञ्चालनमा कार्यक्रम सम्पन्न भएको थियो ।
