बुटवल । नेपालमा पहिलो पटक हेलमेट क्लिनिङ तथा स्यानिटाइजिङका लागि अत्याधुनिक मेसिन भित्रिएको छ । भारतको प्रतिष्ठित कम्पनी फ्रेशपोड इन्डियाले उत्पादन गरेको मेसिनको नेपालका लागि आधिकारिक वितरक गैरे फ्रेशपोड प्रालि रहेको कम्पनीले जनाएको छ । गैरे फ्रेशपोड प्रालिको प्रधान कार्यालय बुटवल उपमहानगरपालिका–११ रूपन्देही कालिका नगरमा रहेको छ ।
गैरे प्रतिष्ठानका अध्यक्ष प्रेमराज गैरेले लामो समय हेलमेट प्रयोग गर्दा पसिना, धुलो, ब्याक्टेरिया र दुर्गन्ध जम्ने समस्याको समाधानका लागि यो प्रविधि नेपालमा भित्राइएको बताए । उनले मेसिनमा अनलाइन क्यूआरबाट भुक्तानी प्रणाली समेत जडान गरिएको जानकारी दिँदै ग्राहकले नगद बोक्नुपर्ने झन्झटबिनै डिजिटल माध्यमबाट सहज रूपमा सेवा शुल्क भुक्तानी गर्न सक्ने बताए ।
सन् २०२५ मे ४ मा भातरको आन्ध्र प्रदेशका मुख्यमन्त्री चन्द्रबाबु नायडुले यस मेसिनको औपचारिक उद्दघाटन गरेका थिए । छोटो समयमै भारत, श्रीलंका तथा अफ्रिकालगायतका देशमा विस्तार भएको फ्रेशपोडले हालसम्म २०० भन्दा बढी मेसिन विक्री गरी ५ लाखभन्दा बढी हेलमेट स्यानिटाइज गरिसकेको कम्पनीले जनाएको छ । फ्रेशपोडले भारतमा गोल्ड मेडल तथा सर्बिया, थाइल्यान्ड, मलेसिया र चीनमा आयोजित अन्तर्राष्ट्रिय इनोभेसन प्रदर्शनीहरूमा समेत अंतराष्ट्रिय अवार्ड प्राप्त गरेको छ । गैरे प्रतिष्ठानका निर्देशक प्रवेशराज गैरेकाले मेसिनले जम्मा ५ मिनेटमा हेलमेटभित्रको धुलो, दुर्गन्ध र जीवाणु हटाइ हेलमेटलाई सफा, स्यानिटाइज र सुगन्धित बनाउँछ । मेडिकल ल्याब परीक्षणबाट प्रमाणित यो प्रविधिबाट स्यानिटाइज गरिएको हेलमेट करिब १५ दिनसम्म ताजा र दुर्गन्धरहित रहने कम्पनीको दाबी छ ।
कम्पनीका अनुसार यो सेवा विशेषगरी मोटरसाइकल चालक, राइडर, डेलिभरी सेवा प्रदायक तथा दैनिक हेलमेट प्रयोगकर्ताका लागि उपयोगी हुनेछ । नियमित हेलमेट सरसफाइले छालासम्बन्धी समस्या तथा संक्रमणको जोखिम कम गर्न सहयोग पुग्ने विश्वास कम्पनीको छ । कम्पनीले आजदेखि नेपालमा औपचारिक रूपमा सेवा सुरु गर्दै आगामी दिनमा पेट्रोल पम्प, सपिङ कम्प्लेक्स, कलेज, अस्पताल तथा टू व्हीलर डिलर एंड सर्विस सेंटर नेटवर्कमार्फत देशभर सेवा विस्तार गर्ने योजना बनाएको जनाएको छ ।
कम्पनीका अनुसार हेलमेट स्यानिटाइजिङ मेसिनको मूल्य भ्याटसहित ५ लाख ९५ हजार रुपैयाँ रहेको छ, जसमा एक वर्षको म्यानुफ्याक्चरिङ वारेन्टी उपलब्ध रहेको छ । एउटा हेलमेट स्यानिटाइज गर्न १७५ रुपैयाँ सेवा शुल्क निर्धारण गरिएको छ । प्रबन्धक प्रिया गैरे, कार्यक्रममा पश्चिमाञ्चल पेट्रोलिय डिलर्स एशोसियनका अध्यक्ष हिमाल गैरे, नाडा अटोमोबाइल एशोसियसनका मेघराज पौडेल, नाडा लुम्बिनीका अध्यक्ष गणेश भटटराई, डा। दिलिप गैरे लगायतले बोलेका थिए ।
